منتديات حبيبي ياعراق

أحبك ياعراق يابلد الحبايب .. ذايب اني بيك وانته بدمي ذايب


    حوار بين دجله والفرات

    شاطر
    avatar
    Afar master 2
    مساعد المدير العام

    عدد الرسائل : 10
    العمر : 29
    تاريخ التسجيل : 04/02/2009

    حوار بين دجله والفرات

    مُساهمة من طرف Afar master 2 في 2009-02-05, 01:07

    الفرات : هلو دجله شلونج
    -دجله : هلو فرات اشلونك، اكيد مايك لا لون ولا طعم ولا رائحه هههههههه
    -الفرات : ههههههههه مايج خفيف، شلونج ولج
    -دجله : يمعود شحجيلك اليوم عشر جثث مجهوله الهويه تسعه مقطوعة الراس وبسواحد بيه روح بس اجه حوت واكله
    -الفرات : شنوالسوك نازل بالعراق، اني بس خمس جثث لا راس ولا رجلين، ولج شنوبنهرج اكو حوت؟ امورج عدله، اني بس اسبور وجرّي
    -دجله : ههههههههههههه جرّي اسكت اسكت لا تجي المليشيات تشفطك، مو الجرّي حرام
    -الفرات : ليش يمه حرام
    -دجله : يمعود لا تدخلنه بالسياسه، خلينه روحنه طالعه، العفو امواجنه طالعه
    -الفرات : عيني دجله، منو كدّج؟ انتي الجواهرييتغزل بيج ويكول حييتوا سفحك عن بعد فحيني يادجله يا ام الخير يام البساتين
    -دجله : وانت، منو اتغزل بيك يامكرود
    -الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا
    -دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكع
    -الفرات : اي و، حتى عشاق القبل ماجاي يجون يم الجرف مالتي
    -دجله : هـُمّ شنو يجون يمكم يسوّون
    -الفرات : مضروبة الجلوه، اتسوين نفسج مطفيه ما تعرفين
    -دجله : انزول، استحي ولك، و اني من الضوجه يمكن راح اطلع من العراق، راح اروح الى الامزون
    -الفرات : ولج احنا ماينه ما يسوه بدون العراق، و يصير ماينه مال مجاري اذانطلع من العراق .. دقيقه دقيقه هاي اربع جثث اجتي ولج هذا بيهم مسؤل جبيربالمنطقه الخضراء
    -دجله : عزه، مسؤل جبير بالمنطقه الخضراء، أو مات؟ ..... يمه سوده عليه، هذا مناضل خطيه
    -الفرات : ولج هذا مو ميت، هذا سكران وكع بالفرات شارب عرك، ريحته تكتل
    -دجله : عزه هذا مناضل يشرب عرك ساده، عل الاقل خففه
    -الفرات : غير من حبه للوطن وقلبه محروك على الوطن وجاي يشرب عرك ساده
    -دجله : وهاي شلون تاليها، اني راح اطلع من العراق، اروح الى نهر التايمز
    -الفرات : اصبري يادجله اصبري، ولج غالي الوطن دجله غالي الوطن
    - دجله: غاي و غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكوف، محروس ياوطن محروس من كل خايس وممرود ومن كل واحد يرسم بخبث وكراهيه من ورهالحدود، محروس ياوطن يامكرود
    -الفرات : اصبري يادجله اصبري
    -دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطروروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحهغير الجثث ماياكل ولا يهوه
    -الفرات : ولج وين تروحين، اخاف امنسقه وي النيل، شنو راح تزوجين مصري
    -دجله : لا، امنسقه وي ساجيه بالسماوه، انت صدك بطران وصاير ماي خايس
    -الفرات : شدعوه عيني، هسه الي يسمعج يكول مايج سفن اب
    - دجله : انزول عليك

    هههههههههههههههههههههههههههههههههههه
    avatar
    Ehab Master 1
    المدير العام
    المدير العام

    عدد الرسائل : 3
    العمر : 24
    تاريخ التسجيل : 02/09/2008

    رد: حوار بين دجله والفرات

    مُساهمة من طرف Ehab Master 1 في 2009-02-05, 02:08

    ههههههههههههههههههههههههههههههههههههههههههههههههه

    حلوة منك مشكور غفوري Laughing


    _________________
    ايهاب الواسطي ..
    avatar
    Afar master 2
    مساعد المدير العام

    عدد الرسائل : 10
    العمر : 29
    تاريخ التسجيل : 04/02/2009

    رد: حوار بين دجله والفرات

    مُساهمة من طرف Afar master 2 في 2009-02-05, 02:22

    شكراً لمرورك ايهاب تحياتي

      الوقت/التاريخ الآن هو 2017-11-20, 23:07